Прыгожае — катэгорыя, якая адлюстроўвае пачуццё эстэтычнай асалоды чалавека пад уплывам з’яў рэчаіснасці і твораў мастацтва.
Разуменне прыгожага ўвасабляе здольнасці чалавека ва ўсіх сферах грамадскага жыцця: працоўнай, сацыяльна — палітычнай, духоўнай.
Вышэйшым увасабленнем прыгажосці з’яўляецца усебакова і гарманічна развітая асоба, таму паказчыкам прыгожага ў чалавеку я лічу духоўную культуру. Духоўная культура дае магчымасць сістэмна думаць аб прыродзе і грамадстве, вырашаць пытанні маральнага выбару. Духоўная культура — сукупнасць філасофскіх, навуковых, мастацкіх і маральных каштоўнасцяў, а таксама палітычных і маральных, і прававых ведаў.
Любоў да Радзімы, стаўленне да культуры як найвялікшай каштоўнасці, гістарычная памяць, пераемнасць пакаленняў, вернасць традыцыям, клопат аб дабрабыце народа, аб ахове прыроды, павага да законаў грамадства, інтэрнацыяналізм, захаваньне этыкету ў міжасобасных адносінах — усе гэта неад’емлемыя часткі цэлага, якое з’яўляецца меркай прыгожага ў грамадстве і чалавеку.
Прыгожае – гэта навакольнае асяроддзе, родная хата, блізкія і дарагія людзі.